نئی دہلی: ریلوے کی جانب سے دہلی کی دو بڑی مساجد بنگالی مارکیٹ مسجد اور تکیہ ببر شاہ مسجد کو نوٹس جاری کیا گیا ہے۔ نوٹس میں دونوں مساجد کو 15 دن میں ہٹانے کا حکم دیا گیا ہے۔ اگر وقت پر ان مساجد کو نہ ہٹایا گیا تو ریلوے کی جانب سے کارروائی کی جائے گی اور یہاں جو بھی نقصان ہوگا اس کی ذمہ دار کمیٹی انتظامیہ خود ہوگی۔
ریلوے کی اس نوٹس پر مسجد کمیٹی کا کہنا ہے کہ یہ مساجد سینکڑوں سال پرانی ہیں لیکن ریلوے کے مطابق یہ ان کی زمین پر بنی ہیں۔ نوٹس جاری ہونے کے بعد سے مقامی لوگوں میں تشویش کی لہر دوڑ گئی ہے۔ مسجد کمیٹی احتجاج بھی کر سکتی ہیں۔ تاہم ریلوے کی جانب سے جاری نوٹس میں واضح کیا گیا ہے کہ یہ مسجد ریلوے کی زمین پر غیر مجاز طریقے سے تعمیر کی گئی ہے۔
نوٹس میں کہا گیا ہے کہ اس نوٹس کے جاری ہونے کے 15 دن کے اندر غیر مجاز عمارتوں، مندروں، مساجد اور ریلوے کی زمین پر بنائے گئے مقبروں کو رضاکارانہ طور پر ہٹانا ہوگا۔ بصورت دیگر ریلوے ایکٹ کے تحت ریلوے انتظامیہ کی جانب سے مندر مسجد کو ہٹا دیا جائے گا۔
نوٹس میں یہ بھی کہا گیا ہے کہ اگر ریلوے کی جانب سے مسجد کے خلاف کارروائی کی جاتی ہے اور اس سے جو بھی نقصان ہوتا ہے، اس کے ذمہ دار خود مسجد کمیٹی کے لوگ ہوں گے۔ ریلوے انتظامیہ تخریب کاری کی ذمہ دار نہیں ہوگی۔ اس لیے ہم انہیں 15 دن کا وقت دے رہے ہیں۔ لیکن اس دوران اگر مسجد کو یہاں سے نہیں ہٹایا گیا تو ریلوے کی جانب سے کارروائی کی جائے گی۔
