ریاست تلنگانہ کے ضلع کھمم میں سیلاب کے درمیان ایک بہادری کا واقعہ پیش آیا جس میں سبحان خان نامی شخص نے سیلاب میں پھنسے 9 لوگوں کو بلڈوزر کے ذریعہ بچایا ہے۔ سبحان خان کی تلنگانہ میں ہر سو ستائش کی جارہی ہے۔
حیدرآباد: تلنگانہ میں شدید بارش کے درمیان ہریانہ کے بہادر سبحان خان نے سیلاب میں پھنسے ہوئے نو لوگوں کو بچانے کے لیے اپنی جان خطرے میں ڈال دی۔
Subhan bhai The Hero who saved 9 Lives.
When Congress Government failed to manage a Helicopter in entire day, Subhan bhai showed that CM Revanth may use Bulldozer to make people homeless but Subhan used the same Bulldozer to bring back 9 people alive#KhammamRains pic.twitter.com/jmPR3ST1Kf
— Ambati Arjun Kumar (@arjunrajaka447) September 2, 2024
کھمم ضلع میں دریائے مننیرو پر پرکاش نگر پل پر پھنسے ہوئے نو افراد نے آن لائن ایک ویڈیو شیئر کیا، جس میں حکومت سے انہیں بچانے کی درخواست کی گئی۔ اگرچہ حکومت نے ایک ہیلی کاپٹر فراہم کیا لیکن موسم کی خرابی کی وجہ سے وہ ان تک نہیں پہنچ سکا۔
جب سبحان خان کو ان کی حالت زار کا علم ہوا تو سبحان خان نے تلنگانہ میں شدید بارشوں کے درمیان ان کے بچاؤ کے لیے بلڈوزر کے ذریعہ بچانے کا فیصلہ کیا۔ انہوں نے سیلاب میں پھنسے لوگوں تک بلڈوزر لے گیا اور انہیں اس پر سوار کرا کر واپس لے آیا۔
تلنگانہ کے ضلع کھمم میں سیلاب میں پھنسے 9 لوگوں کو بچانے والے سبحان خان نے کہا کہ "اگر میں مرتا ہوں تو میری ایک زندگی ہی ضائع ہوگی لیکن اگر میں 9 لوگوں کو بچانے میں کامیاب ہوگیا تو 9 زندگیاں بچ جائے گی”۔ خوش قسمتی سے سبحان خان نہ صرف بحفاظت واپس آئے بلکہ پھنسے ہوئے نو افراد کو بچانے میں بھی کامیاب بھی رہے۔
سبحان خان کے اس اقدام کے بعد ان کی بی آر ایس لیڈر کے ٹی آر سمیت بہت سے لوگوں کی جانب سے ستائش کی جارہی ہے۔ کے ٹی آر نے اپنے سوشل میڈیا پلیٹ فارم ایکس ہینڈل پر لکھا کہ "سبحان خان – بلڈوزر۔ انسان تمام ہیرو ٹوپی نہیں پہنتے”۔
Subhan Khan – Bulldozer Man
Not all heroes wear capes 👏 https://t.co/mOUtF2sqAC
— KTR (@KTRBRS) September 2, 2024
تلنگانہ میں ہفتے کے روز سے شدید بارش کی وجہ سے بڑے پیمانے پر سیلاب آیا ہے۔ مختلف اضلاع کے کئی علاقے زیر آب آگئے ہیں۔ محکمہ موسمیات (آئی ایم ڈی) کی جانب سے منگل کو جاری کی گئی شدید بارش کی وارننگ کی وجہ سے تلنگانہ کے 11 اضلاع میں انتظامیہ الرٹ ہے۔
