سعودی عرب حکومت کی جانب حج 2023 کے سلسلے میں تمام تر تیاریاں مکمل کرلی گئیں ہیں۔ حج کے دوران سکیورٹی کا بھی خاطر خواہ بندوبست کیا جاتا ہے۔ اسی ضمن میں سکیورٹی فورسز کی جانب سے پریڈ کی گئی جس کے حسین مناظر سوشل میڈیا پر وائرل ہورہے ہیں۔
فيديو | بدء حفل استعراض قوات أمن #الحج استعدادا لمشاركتهم في تأمين حج هذا العام #بسلام_آمنين#الإخبارية pic.twitter.com/DTX8PXOyu3
— قناة الإخبارية (@alekhbariyatv) June 21, 2023
یہ پریڈ مکہ میں منعقد کی گئی، لاکھوں عازمین حج کی مکہ مکرمہ میں آمد ہوچکی ہے۔
سکیورٹی فورسز کی پریڈ میں خواتین اہلکاروں نے بھی حصہ لیا، پریڈ کے دوران سکیورٹی فورسز نے نماز بھی ادا کی۔ اس موقع پر شاہ سلمان اور ولی عہد محمد بن سلمان کے قد آور بینر بھی آویزاں کیے گئے تھے۔
فيديو | بحضور وزير الداخلية.. انطلق الحفل السنوي لاستعراض القوات الأمنية المشاركة في الحج #الإخبارية #بسلام_آمنين pic.twitter.com/kAtEb5PYRk
— قناة الإخبارية (@alekhbariyatv) June 21, 2023
پریڈ کا معائنہ کرنے کیلئے سعودی عرب کے وزیر داخلہ عبدالعزیز بن سعود اور سینئر سیکیورٹی کمانڈرز بھی موجود تھے۔ اسپیشل فورسز کے اہلکاروں نے اسلحہ سمیت عمارت سے نیچے اترنے کا مظاہرہ کیا۔
فيديو | حفل استعراض قوات أمن الحج لعام 1444هـ #بسلام_آمنين#الإخبارية pic.twitter.com/nmZXJcIvxa
— قناة الإخبارية (@alekhbariyatv) June 22, 2023
چیف آف جنرل ڈائریکٹوریٹ فار پبلک سیکیورٹی لیفٹیننٹ جنرل محمد علی بسامی حج سیکیورٹی کمیٹی کے سربراہ ہیں۔ انہوں نے کہا کہ سکیورٹی فورسز حجاج کرام کے تحفظ کے لئے ہدایات پر عمل درآمد کیلئے مکمل طور پر تیار ہیں۔
ان کا کہنا تھا کہ سکیورٹی اہلکاروں نے مکہ مکرمہ، مقدس مقامات، مدینہ اور دیگر سڑکوں پر سیکیورٹی مشق کی ہے۔ حج کے موقع پر سیکیورٹی مقاصد کیلئے مصنوعی ذہانت کے ٹولز اور دیگر ڈیجیٹل ایپس کو بھی استعمال کیا جائے گا۔
