حیدرآباد: حیدرآباد کے نواحی علاقے میڑچل جواہر نگر مونسپل کارپوریشن کے تحت ملکرم میں ایک انتہائی افسوس ناک واقعہ پیش آیا۔
تفصیلات کے مطابق شہر کے علاقہ عنبر پیٹ سے تعلق رکھنے والے مدرسہ کے طلباء جواہر نگر میونسپل کارپوریشن کے تحت ملکرم تالاب مدرس کے ساتھ گئے ہوئے تھے۔
تیراکی کے دوران 5 بچے ڈوب رہے تھے کہ انھیں بچانے کی مدرس نے کوشش کی تاہم بچوں نے انھیں بھی پکڑ لیا جس کی وجہ سے پانچ طلباء اور مدرس پانی میں ڈوب ہوگئے۔
تالاب میں ڈوبنے والوں کی شناخت کاچیگوڑہ کے رہنے والے مدرسے کے طلبہ اسماعیل، جعفر، سہیل، ایان، ریان کی حیثیت سے کی گئی ہے جبکہ مدرسے کے استاد کی فوری شناخت نہیں ہوسکی۔
پولیس نے نعشوں کو تالاب سے باہر نکالا۔ جاں بحق بچوں کی عمر 12 تا 14 سال کے درمیان بتائی گئی ہے۔
مقامی لوگوں نے بتایا کہ یہ سب عنبرپیٹ سے ایک تقریب کے لیے یہاں آئے ہوئے تھے۔ پولیس کے اعلیٰ حکام نے موقع پر پہنچ کر تفتیش شروع کر دی۔
اس حادثے سے شہر حیدرآباد کے علمی حلقے بالخصوص عنبر پیٹ کے مدرسے میں شدید غم کا ماحول ہے۔
