شہر حیدرآباد میں اسوسی ایشن آف مسلم پروفیشنلز کی جانب سے نواب شاہ عالم خان کالج آف انجینیئرنگ اینڈ ٹکنالوجی کے اشتراک سے 30 جولائی بروز ہفتہ 2022 صبح ساڑھے دس بجے تا چار بجے شام ایم ایم ٹی ایس اسٹیشن کے قریب نیو ملک پیٹ نواب شاہ عالم خان کالج آف انجینیئرنگ اینڈ ٹکنالوجی میں ایک میگا جاب میلہ منعقد کیا جا رہا ہے۔
اس جاب میلہ میں ایف ایم سی جی، ریٹیل، ہاسپٹلز، بی پی او، بینکنگ، مینجمنٹ، فائنانس اور آئی ٹی اور دیگر شعبہ میں ملازمت کے مواقع فراہم ہوں گے۔
اس جاب میلے میں شرکت کے لئے تعلیم قابلیت کم از کم آٹھویں جماعت کامیابی سے لیکر پوسٹ گریجویشن کامیاب اہلیت درکار ہے۔
کم سے کم عمر 18 سال ہونی چاہیے، فریشرز اور تجربہ کار حضرات دونوں ہی درخواست دینے کے اہل ہیں۔ اس جاب میلے میں شرکت کےلئے کوئی فیس نہیں ہوگی۔ اس جاب میلے میں تمام طبقات سے تعلق رکھنے والے اہل افراد شرکت کرسکتے ہیں۔
