کرناٹک میں حجاب تنازع دسمبر 2021 میں ایک کالج سے شروع ہوا تھا بعد ازاں یہ تنازع پوری ریاست میں پھیل گیا اور پھر با حجاب طالبات نے ہائی کورٹ سے رجوع کیا، عدالت نے کرناٹک حکومت کے فیصلے کو برقرار رکھتے ہوئے تعلیمی اداروں میں حجاب پر پابندی کو برقرار رکھا۔ جس کے بعد طالبات نے سپریم کورٹ سے رجوع کیا تاہم سپریم کورٹ نے اس معاملے میں ابھی تک سنوائی کے لئے کوئی تاریخ نہیں دی۔ اور ابھی بھی یہ معاملہ سپریم کورٹ میں زیر التواء ہے۔
بنگلورو: کرناٹک ایگزامینیشن اتھارٹی نے اعلان کیا کہ حجاب پہننے والی طالبات کو پیشہ ورانہ کورسز میں داخلے کے لیے کامن انٹرنس ٹیسٹ (CET) دینے کے لیے امتحان ہال میں داخل ہونے کی اجازت نہیں ہوگی۔
طلبہ کو امتحان ہال میں داخل ہونے سے پہلے حجاب اتارنا ہوگا۔ KEA نے یہ بھی واضح کیا ہے کہ کسی بھی کپڑے یا لباس کی اجازت نہیں ہے جو مذہب کی علامت ہو۔
سی ای ٹی امتحان ایس ایس ایل سی (دسویں کلاس) اور II پی یو سی امتحانات کی طرز پر منعقد کیا جائے گا۔ CET 16، 17 اور 18 جون کو منعقد ہو گی۔ طلباء سے کہا گیا ہے کہ وہ متعلقہ یونیفارم کے ساتھ CET میں شرکت کریں۔
پولیس سب انسپکٹرز (پی ایس آئی) اور ایسوسی ایٹ پروفیسرز کی پوسٹوں کے داخلے کے امتحانات میں بدعنوانی کے الزامات کے پس منظر میں حکام نے امتحانات کے منصفانہ انعقاد کو یقینی بنانے کا فیصلہ کیا ہے۔
سی ای ٹی میں شرکت کرنے والے طلباء کو ‘منگل ستراس’ ناک میں پہنا جانے والا زیور، بالیاں، سونے کی چین، چوڑیاں اور دیگر سونے کے زیورات پہننے کی اجازت نہیں ہے۔ طلباء سے یہ بھی کہا گیا ہے کہ وہ گھڑیاں، کیلکولیٹر اور کوئی بھی الیکٹرانک ڈیوائس ساتھ نہ لائیں۔
امتحانات NEET کی طرز پر منعقد ہوں گے اور امتحان ہال میں جیمرز اور میٹل ڈیٹیکٹر لگائے گئے ہیں۔ تقریباً 2.11 لاکھ طلباء- 1.4 لاکھ لڑکے اور 1.7 لاکھ لڑکیاں- نے سی ای ٹی امتحانات میں داخلہ لیا ہے۔
واضح رہے کہ کرناٹک میں حجاب تنازع دسمبر 2021 میں ایک کالج سے شروع ہوا تھا بعد ازاں یہ تنازع پوری ریاست میں پھیل گیا اور پھر با حجاب طالبات نے ہائی کورٹ سے رجوع کیا، عدالت نے کرناٹک حکومت کے فیصلے کو برقرار رکھتے ہوئے تعلیمی اداروں میں حجاب پر پابندی کو برقرار رکھا۔ جس کے بعد طالبات نے سپریم کورٹ سے رجوع کیا تاہم سپریم کورٹ نے اس معاملے میں ابھی تک سنوائی کے لئے کوئی تاریخ نہیں دی۔ کرناٹک کے ساتھ ساتھ ملک کی مختلف ریاستوں میں با حجاب طالبات کو اسکولوں اور کالجز میں داخل ہونے سے روک دیا گیا۔
