سعودی عرب نے دنیا کے کئی ممالک میں کورونا وائرس کے نئے معاملوں میں اضافہ پر اپنے شہریوں کو بھارت سمیت پندرہ ممالک کے سفر پر پابندی لگا دی ہے۔
الجوازات السعودیہ نے ٹویئٹر ہینڈل پر اطلاع دیتے ہوئے کہا کہ نئے کورونا وائرس کے مدنظر بھارت سمیت پندرہ ممالک کے سفر پر پابندی لگائی ہے۔ سعودی عرب نے اپنے شہریوں پر لبنان، سوریا، ترکی، ایران، افغانستان، بھارت، یمن، صومالیہ، لبیا، انڈونیشیا، ارمانیا اور دیگر ممالک کے سفر پر پابندی عائد کی ہے۔
وہیں دوسری جانب صحت اور خاندانی بہبود کی مرکزی وزارت کی طرف سے جاری کردہ اعداد و شمار کے مطابق گزشتہ 24 گھنٹوں میں 2,202 افراد کووڈ سے نجات دلائی گئی ہے اور اس کے ساتھ مجموعی طور پر چار کروڑ 25 لاکھ 97 ہزار 003 مریض کووڈ سے صحت یاب ہوئے ہیں۔
اس وقت ملک میں کورونا سے صحت یاب ہونے کی شرح 98.75 فیصد ہے۔ اسی وقت، فعال شرح 0.03 فیصد اور موت کی شرح 1.22 فیصد ہے۔
قومی دارالحکومت میں، دہلی میں ایکٹیو کیسز 91 کم ہو کر 2,138 پر آ گئے ہیں۔ اس کے ساتھ ہی مزید 569 افراد کے صحت یاب ہونے کے بعد اس سے نجات پانے والوں کی تعداد 18 لاکھ 74 ہزار 851 تک پہنچ گئی جب کہ ہلاک ہونے والوں کی تعداد ایک کے اضافے سے 26 ہزار 200 ہوگئی۔
واضح رہے کہ دنیا کے کئی ممالک میں کورونا وائرس کے کیسز میں پھر سے اضافہ ہونے لگا ہے جو باعث تشویش ہے۔ اسی وجہ سے سعودی عرب نے یہ پابندی عائد کی ہے۔
