مدھیہ پردیش کے کھرگون ضلع میں رام نومی کے جلوس کے دوران ہونے والے فسادات کے بعد، فسادات میں نامزد افراد کے گھروں کو نشان زد کر کے گرادیا گیا، جو سبھی مسلمان تھے۔
مدھیہ پردیش حکومت کی جانب سے یہ کارروائی مبینہ طور پر گواہوں اور متاثرین کی طرف سے شکایت درج کرنے کے بعد پولیس کی طرف سے درج فرسٹ انفارمیشن رپورٹس (ایف آئی آر) کی بنیاد پر کی گئی۔
ریاست کے جلد بازی کے فیصلوں کا نشانہ بننے والوں میں سے ایک وسیم شیخ تھے جن کی دکان گرادی گئی۔
شیخ کے ہاتھ ایک حادثے کے بعد کٹ گئے تھے، ایک گمتی (دکان) چلاتے تھے، جو اس کا ذریعہ معاش کا واحد ذریعہ تھا، جسے مبینہ طور پر 11 اپریل کو اہلکاروں نے ” پتھر مارنے والوں ” کی فہرست میں شامل ہونے کے بعد منہدم کر دیا تھا۔
شیخ کے ہاتھ 2005 میں بجلی کے کرنٹ سے زخمی ہونے کے بعد کاٹ دیے گئے تھے، اپنے پانچ افراد کے خاندان کا پیٹ پالتے تھے، اور دکان ہی ان کی روزی روٹی کا واحد ذریعہ تھی۔
اسی طرح کے ایک اور معاملے میں، تین مسلم افراد کا نام رام نومی فسادات کے ملزمین کھرگون کی فہرست میں شامل تھا۔جو 5 مارچ سے جیل میں بند ہیں۔
اتوار کو ہونے والے فسادات کے بعد، فسادات کے الزام میں سے ایک کا گھر 11 اپریل کو 16 دیگر مکانات کے ساتھ گرادیا گیا۔
مقدمے میں نامزد افراد میں شہباز، فکرو اور رؤف شامل ہیں۔ ان تینوں پر 10 اپریل کو رام نومی کی تقریبات کے دوران کھرگون میں فسادات کرنے کا جھوٹا الزام لگایا گیا تھا۔
این ڈی ٹی وی کی ایک رپورٹ کے مطابق تینوں گزشتہ ماہ گرفتاری کے بعد سے جیل میں ہیں لیکن ان پر 10 اپریل کو بروانی ضلع کے سینڈوا میں ایک موٹر سائیکل کو آگ لگانے کا الزام ہے۔ ان پر اسی پولیس اسٹیشن میں فسادات کا الزام عائد کیا گیا ہے جہاں ان پر قتل کی کوشش کا الزام عائد کیا گیا تھا۔
اس لاپرواہی کے بارے میں پوچھے جانے پر باروانی کے پولیس حکام نے کہا کہ شکایت کنندہ کے بیان کی بنیاد پر مقدمہ درج کیا گیا ہے۔
سینیئر پولیس افسر منوہر سنگھ نے
این ڈی ٹی وی کے حوالے سے بتایا کہ ’’ہم معاملے کی تحقیقات کریں گے اور جیل سپرنٹنڈنٹ سے اس کی معلومات لیں گے، مقدمہ شکایت کنندہ کے الزامات کی بنیاد پر درج کیا گیا ہے۔
