بادام اور دودھ دونوں کو صحت کے لیے اچھا سمجھا جاتا ہے۔ لیکن جب ان دونوں کو ملا کر ایک ساتھ کھایا جائے تو صحت کے لئے یکساں طور پر فائدہ مند ہیں۔
بادام اور دودھ صحیح مقدار میں استعمال جسم کو طاقت اور توانائی فراہم کرنے میں مدد کرتا ہے۔ یہ قوت مدافعت اور میٹابولک افعال کو بھی برقرار رکھتا ہے، جس سے کئی بیماریوں سے چھٹکارا حاصل کرنے میں مدد ملتی ہے۔
بادام: بادام میں فیٹی ایسڈ، لپڈ، امینو ایسڈ، پروٹین اور کاربوہائیڈریٹ وافر مقدار میں پائے جاتے ہیں۔ خاص طور پر اسے وٹامن ای، زنک، کیلشیم، میگنیشیم اور اومیگا تھری فیٹی ایسڈز کے اہم ذرائع میں سے ایک سمجھا جاتا ہے۔ اس کے علاوہ اس میں فائبر، آئرن اور فولیٹ جیسے غذائی اجزاء بھی وافر مقدار میں پائے جاتے ہیں۔
دودھ: دودھ خود ایک مکمل غذا ہے۔ اس میں پانی، پروٹین، کاربوہائیڈریٹ، لپڈ فیٹ، چینی، کیلشیم، میگنیشیم، فاسفورس، پوٹاشیم، سوڈیم، زنک، کاپر، سیلینیم، تھامین، رائبوفلاوین، نیاسین، پینٹوتھینک ایسڈ، وٹامن اے، وٹامن بی 6، بی 12، وٹامن بی 6، 12 شامل ہوتے ہیں۔
بادام اور دودھ میں کیلشیم اور وٹامن ڈی وافر مقدار میں پایا جاتا ہے، اس لیے اس کا استعمال ہر عمر کے مرد و خواتین دونوں کی صحت کے لیے فائدہ مند ہے۔
اگر مناسب مقدار میں اس کا استعمال کیا جائے تو یہ ہڈیوں کو مضبوط بنانے میں مدد کرتا ہے اور جوڑوں کے درد اور آسٹیوپوروسس جیسی بیماریوں سے بچاتا ہے۔
بادام میں پروٹین ہوتا ہے، جو ہمارے دماغی افعال کو بہتر بنانے کے ساتھ ساتھ دماغی خلیات کی مرمت کرتا ہے۔ دودھ اور بادام کا استعمال بھی یادداشت کو بہتر کرتا ہے۔
دودھ اور بادام کا ایک ساتھ استعمال جسم کو کافی توانائی فراہم کرتا ہے جس سے تھکاوٹ اور کمزوری دور ہوتی ہے۔ یہ انسان کو دن بھر توانائی بخشتا ہے۔ دودھ اور بادام وزن بڑھانے میں بھی کافی مددگار ہوتا ہے۔
